राष्ट्रपति व प्रम दथुइ बजेटया बारे सहलह
राष्ट्रपति डा. रामवरण यादव व प्रधानमन्त्री माधवकुमार नेपाल दथुइ बजेट पास याकेगु बारे सहलह जूगु दु ।
जारी राजनीतिक गतिरोधया कारणं बजेट पास जुइमफयाच्वंगु ईलय् प्रधानमन्त्री नेपालं शुक्रवाः राष्ट्रपति यादव नाप थुकीया विषयलय् सहलह यानादीगु खः । शुक्रवाः सुथय् राष्ट्रपति भवन शितल निवासय् जूगु खँल्हाबंलाय् राष्ट्रपति यादवं बजेट पास याये मफुगु व उकीया प्रभाव बारे च्यूताः प्वंकादीगु खः । अथेहे वयेकलं बजेट पारित यायेत जुयाच्वंगु सहमतिया कुतःया बारे नं च्यूताः प्वंकादीगु खः । प्रधानमन्त्री नेपालं बजेट पारित यायेत राजनीतिक दलत दथुइ जुयाच्वंगु कुतःया बारे राष्ट्रपति यादवयात 'ब्रिफिङ' यानादीगु खः ।
खँल्हाबंलाय् प्रधानमन्त्री नेपाल नापं अर्थमन्त्री सुरेन्द्र पाण्डे, संघीय मामिला, संसदीय व्यवस्था नापं संस्कृति मन्त्री डा. मिलेन्द्र रिजाल नं दीगु खः ।
