कन्सर्नया किपा व न्वचु कासा
येँ (सन्ध्या टाइम्स)/संयुक्त राष्ट्र संघपाखें बाल अधिकार महासन्धि पारित जूगु नीदँ क्यंगु व नेपाल संवत् ११३० न्हूदँया लसताय् कन्सर्न नेपाल व बिचाः दबूया मंकाः ग्वसालय् दँय्दसं थें थुगुसी थ्वहे वइगु थिंलाथ्व १० (मंसिर १२ गते) कुन्हु झिंच्याक्वःगु मचा किपा च्वज्या व झिंप्यक्वःगु मचा न्वचु धेंधेंबल्लाः कासा याइगु जूगु दु ।
किपा च्वज्या धेंधेंबल्लाः कासाय् झिदँनिसें झिंन्यादँ तकया मस्तय्सं जक ब्वति काये दइगु खँ ग्वसाः खलकं धाःगु दु।
अथे हे नेपालभाषां जुइगु न्वचु धेंधेंबल्लाः कासाय् झिंखुदँ क्वय्यापिं मस्तय्सं ब्वति काये दइगु खँ नं धाःगु दु। थुगुसीया ज्याझ्वः येँया हनुमानध्वाखाय् जुइ ।
ज्याझ्वलय् न्हाप, लिउ व लियांलिउ लाःपिंत दसिपौ, दां
सिरपाः व पदक लःल्हाइगु ग्वसाः दु ।
