भाषासेवी प्रधान मंत

नेपालभाषा आन्दोलनया कार्यकर्ता भाजु हिरण्यमान प्रधान वंगु मंगलवाः मंत । वय्कः ७२ दँ दुम्ह खः । नेपाली समाजय् दुगु थीत्यःमत्यः प्रथाया वय्कः कट्टर विरोधी खः । नेपाली समाजय् छुं ज्या याये मफयाः हानं पुलांगु हे अवस्थाय् लिहां वनेमाल धाःसा 'ब्याक टु मंगलमान' धाइगु चलन दु । थ्व खँचुया पात्र जुयाच्वंम्ह मंगलमान स्यस्यः वय्कःया दाजु खः । मदुम्ह प्रधानया जहान नापं म्ह्याय् छम्ह व काय स्वम्ह दी ।