माओवादीं नेपाः पार्टीया समर्थन फ्वन
येँ (सन्ध्या टाइम्स)/ विपक्षी एनेकपा (माओवादीं) थःपिंपाखें सरकार गठन याये फइगु सम्भावनायात कयाः म्हिगः नेपाः राष्ट्रिय पार्टीलिसे सहलह यात। माओवादीपाखें न्वकुपिं डा. बाबुराम भट्टराई व नारायणकाजी श्रेष्ठं ब्वति कयादीगु उगु सहलहय् आः थःपिंसं सरकार गठन यात धाःसा उकी नेपाः पार्टीया समर्थन दइ लाकि दइ मखु धकाः न्यंगु खःसा लिसलय् नेपाः पार्टीया नायः डा. केशवमान शाक्यं थ्व खँ माओवादीपाखें अबलय् पित हइगु मुद्दायात स्वयाः जक धाये फइ धयादिल। नेपाः पार्टीं आः थःपिंसं वर्तमान सरकारयात बिया तयागु समर्थन लित कायेधुनागु जानकारी नं अन बिउगु खः ।
