प्रचण्डं थौं सिंगापुरय् कोइराला नापलाइगु
येँ (सन्ध्या टाइम्स)/सिंगापुरय् वासः याकाच्वंम्ह नेपाली कांग्रेसया सभापति गिरिजाप्रसाद कोइरालायात माओवादी अध्यक्ष प्रचण्डं थौं न्हिनय् नापलाइगु ज्याझ्वः दु। प्रचण्ड म्हिगः बहनी तिनि सिंगापुर थ्यंगु खःसा वय्कः थौं न्हिनय् अस्पताल झायाः कोइलायात नापलाइगु ग्वसाः दु। वय्कःपिनि दथुइ नेपालय् न्ह्यानाच्वंगु राजनीतिक गतिरोधया बारे सहलह जुइगु खँ माओवादी सूत्रं धाःगु दु ।
