गाडी दुर्घटनाय् छम्ह सित
येँ (सन्ध्या टाइम्स)/रुपन्देही गाडी दुर्घटनाय् लानाः छम्ह सीगु दु। रुपेन्देहीया करैयाय् ट्रिपर व ट्याक्टर ल्वानाः अनिन्त्रित जुयाः लँय् सिथय् दिकातःगु रिक्सायात क्यलेवं रिक्सा चालक सीगु खः ।
भैरहवां बुटवलपाखे वनाच्वंगु लु. १ ख १०८९ नम्बरया ट्रिपर व अःखः दिशां वयाच्वंगु लु. १ त १७१० नम्बरया ट्याक्टर ल्वाःगु खः। उगु दुर्घटनाय् लानाः सीम्हेसिया सनाखत मजूनि ।
दुर्घटनाय् लानाः ट्रिपर चालक रामकरण चौधरी नं घाःपाः जूगु दु ।
