एमाले पाखें झिन्यागू प्रदेशया प्रस्ताव
सत्तारुढ नेकपा (एमालें) थीथी झिंन्यागू प्रदेशया प्रस्ताव सहित राज्य पुनसंरचना सम्बन्धी प्रतिवेदन संविधानसभाय् लःल्हाःगु दु । एमालें जाति, भाषा, संस्कृति नापं सामर्थ्यता, बाहुल्यता, निरन्तरता, विकसित क्षेत्रया आधारय् प्रदेश विभाजन याःगु दु ।
मंगलवाः जूगु राज्य पुनसंरचना व राज्या शाक्तिया बाँडफाँट समितिलया बैठकय् एमाले नेता मंगलसिद्धि मानन्धरं न्ह्यब्वःगु प्रतिवेदनय् तराईल् न्यागू, हिमाल व पहाडय् झिगू प्रदेशया प्रस्ताव याःगु दु ।
तराईलय् थरुहट, भोजपुरा, मिथिला, बिराट व लुम्बिनि प्रदेशया प्रस्ताव या:गु दुसा: हिमाल व पहाडय् लिम्बुवान, किरात, सुनकोशी, ताम्सालिङ, नेवाः, मगरता, तमुवान, गण्डकी, कर्णाली व खप्तड प्रदेशया प्रस्ताव याःगु खः ।
एमालें जनसंख्या व भाषाया आधारय् स्वायत्त, अल्पसंख्यक व लोपोन्मुखया आधारय् संरक्षित व मेगू स्थानयात विषेश क्षेत्र निर्धारण यायेत नं सिफारिस याःगु दु ।
