प्रधानमन्त्री पाखें बजेट पारित याकेत सहलह
प्रधानमन्त्री माधवकुमार नेपालं आर्थिक दँ ०६६/६७या बजेट पारित यायेगु बारे प्रमुख प्रतिपक्ष एनेकपा (माओवादी) व सत्तारुढ नेपाली कांग्रेस नाप सहलह यानादीगु दु ।
मंगलवाः न्हिनय् प्रधानमन्त्री निवास बालुवाटारय् जूगु सहलहलय् प्रम नेपालं बजेट पारित यायेत ग्वाहालि यायेत माओवादीयात इनाप याःगु खः । माओवादीं धाःसा दक्वं समस्याया समाधान छक्वलं यायेमाःगु खँ तःगु खः ।
सहलहलय् माओवादीपाखें उपाध्यक्षत डा. बाबुराम भट्टराई व नारायणकाजी श्रेष्ठ 'प्रकाश' नापं प्रमुख सचेतक पोष्टबहादुर बोगटीं ब्वति काःगु खःसा सरकारया पाखें प्रम नेपाल व गृहमन्त्री भीम रावलया ब्वति दुगु खः ।
थ्वस्वयां न्ह्यः प्रधानमन्त्री नेपालं मंगलवाः सुथय् नेपाली कांग्रेस नाप सहलह यानादीगु खः । उगु बैठकय् बजेट पारित यायेगु थीथी विकल्पया बारे सहलह जूगु खः । बैठकय् सहमतिया माध्यमं बजेट पारित यायेमफुसाः बहुमतया आधारय् बजेट पारित यायेगु सहमति जूगु खः ।
