जिविस बैठक नं चले मजू
येँ (सन्ध्या टाइम्स)/ माओवादीं संसदया बैठक जक मखु स्थानीयस्तरय् जिल्ला विकास समितिया बैठक नं चले याकाच्वंगु मदु। जिविसया बैठक चले मयाकेगु शैली धाःसा फरक दु ।
येँ जिविसया सर्वदलीय संयन्त्रय् माओवादीया झिंन्याम्ह प्रतिनिधि तयेमाः धइगु माग यासें बैठक चले मयाकाच्वंगु खः। जिविसय् एमालेपाखें निम्ह प्रतिनिधि तयातःगुलिं थःपिनिपाखें झिंन्याम्ह तये दयेमाः धकाः माओवादीं माग याःगु खः। थ्वहे विवादं यानाः वंगु ताः ई न्ह्यवंनिसें जिविसया बैठक च्वने मफयाच्वंगु खःसा म्हिगः नं बैठक स्थगित यायेमाल। थुकिं यानाः जिविसया बजेट नं पारित जुइ फयाच्वंगु मदुनि ।
सर्वदलीय संयन्त्रय् झिंन्याम्ह प्रतिनिधि तये दयेमाः धकाः माओवादीं यानाच्वंगु थ्व मागयात नेपाः राष्ट्रिय पार्टीं नं विरोध याःगु दु। नेपाः पार्टीपाखें उगु संयन्त्रया दुजः कथं शान्तप्रकाश श्रेष्ठं ब्वति कयादीगु खः ।
