याकनं हे गतिरोध चीली: भट्टराई
येँ (सन्ध्या टाइम्स)/थःपिंसं बियागु समयसीमा दुने हे राजनीतिक गतिरोध अन्त्य जुइगु खँ माओवादी उपाध्यक्ष डा. बाबुराम भट्टराईनं धयादीगु दु। थौं सुथय् पत्रकारतलिसे खँ ल्हायेगु झ्वलय् वय्कलं उगु खँ धयादीगु खः ।
पत्रकारत लिसे खँ ल्हासें डा. भट्टराईनं गतिरोध चीकेगु निंतिं माओवादी तसकं हे लचिलो जुइगु खँ नं कनादीगु दु। सत्तापक्ष गैरजिम्मेवारी जूगुलिं गतिरोध अन्त्य जुइ मफुगु खँ धासें वय्कलं राष्ट्रपतिया असंवैधानिक पलाःयात कयाः सदनय् सहलह मजूतले गतिरोध अन्त्य मजुइगु खँ नं कनादिल ।
