लुति अजिमाया जात्रा
येँ (सन्ध्या टाइम्स)/येँदेय्या थःने लागाय् बालाचःर्हेबलय् न्यायेकीगु लुति अजिमाया जात्रा म्हिगःनिसें शुरु जुल। जात्राया झ्वलय् थौं नं लुति अजिमायात खतय् तयाः थःने लागाय् चाःहीकेगु ज्या जुल। थ्व जात्रायां पाय्छि प्यला लिपा पाहांचःर्हेया जात्रा जुइ। बालाचःर्हेया जात्राया झ्वलय् म्हीग चान्हय् लुति अजिमाया न्ह्यःने सर्प, चखुंचा, न्या, बुँइचा व म्येय्या छ्यों दुयाः होम याःगु खः ।
