बौद्ध विहार संघया स्वीप्यक्वःगु दँ मुँज्या
यल (सन्ध्या टाइम्स)/बौद्ध विहार संघया ३४ क्वःगु दँ मुँज्याझ्वः छगू ज्याझ्वःया दथुइ अक्षेश्वर महाविहारय् क्वचाल ।
दँमँज्याया उलेज्या बौद्ध विहार संरक्षक परिषदया दुजः नरेन्द्रनरसिं शाक्यं यानादीगु खः ।
संघया उपाध्यक्ष विद्याभूषण बज्राचार्यं लसकुस यानाः न्ह्याःगु ज्याझ्वलय् सामुहिक पंचशील प्रार्थना याःगु खः। महासचिव पुष्परत्न शाक्यं बार्षिक प्रतिवेदन व भावि ज्याझ्वःया बारे न्ह्याब्वयादीगु खः ।
ज्याझ्वलय् महासचिव पुष्परत्न शाक्य संयोजक जुयादीगु झिंछम्ह दुजः दुगु बौद्ध विहार संघ समन्वय उपसमितिपाखें बौद्ध विहार संघ व अक्षेश्वर महाविहार संरक्षण समितिया चल अचल सम्पत्तिया धलःपौ नं न्ह्यब्वःगु खः ।
ज्याझ्वलय् कोषाध्यक्ष ओमकाजी शाक्यं आर्थिक प्रतिवेदन न्ह्यब्वयादीगु खःसा सल्लाहकार उत्तम रत्न ध्वाख्वा, अक्षेश्वर महाविहार संरक्षण समितिया अध्यक्ष इन्द्रबहादुर शाक्यपिंसं थःथःगु नुगः खँ प्वंकूगु खः ।
ज्याझ्वः बौद्ध विहार संघया अध्यक्ष धर्मरत्न शाक्यया सभापतित्वय् जूगु खः ।
