प्रचण्ड सिंगापुर प्रस्थान

एकीकृत नेकपा (माओवादी)या अध्यक्ष पुष्पकमल दाहाल 'प्रचण्ड' सोमवाः सिंगापुर प्रस्थान यानादीगु दु ।

सोमवाः न्हिनय् थाइ एजरवयेजया विमान पाखें वयेक उखे पाखे झायादीगु खः । माओवादी पार्टीया विदेश विभाग प्रमुख कृष्णबहादुर महरा नापं सिंगापुर झायादिम्ह प्रचण्ड बैंककय् डेढ घण्टाया ट्रान्जिट लिपाः सोमवाः हे सिंगापुर थ्यंकीगु ज्याझ्वः दु ।

नेपाली कांग्रेसया सभापति गिरिजाप्रसाद कोइराल नं वासः याकेत सिंगापुरय् दुगु ईलय् माओवादी अध्यक्ष प्रचण्डं यानादीगु थ्व भ्रमणयात महत्वया साथ स्वःगु दु । स्वन्हुन्यंकया सिंगापुर भ्रमणया झ्वलय् वयेकलं उसाँय् मदुम्ह कोइरालायात नं नापलाइगु ज्याझ्वः दु ।

माओवादीं वयेकया भ्रमण पुर्वनिर्धारित जूगु धासें कार्यकर्ता व शुभचिन्तकतय्त नापलेत प्रचण्ड उखे वंगु खँ धाःगु दु ।