देय्या नां हिलेमाः !
सरकारलिसे वार्ता यानाच्वंगु संयुक्त तराई जनतान्त्रिक मोर्चा (पवन पुचलं) नेपाः देय्या नां हिलाः 'हिमालय स्टेट युनियन' तयेमाःगु माग याःगु दु । वार्ताया नेतृत्व यानाच्वंम्ह नेता संजय गुप्ता कौटिल्य शर्मां थौं सुथय् पत्रकारतलिसे खँ ल्हासें उगु बिचाः न्ह्यथनादीगु खः ।
'नेपाल' धइगु नामय् हे सामन्तवादया गन्ध वः धासें वय्कलं देय्या फुक्कं उत्पीडित जातिया सम्मान यायेत थ्व नां हिलेमाः धयादिल ।
'छगू मधेश छगू प्रदेश' थःपिनि माग मखु धासें वय्कलं स्वशासन सहितया मधेश थःपिनि माग खः धयादिल । वय्कलं धयादिल, 'देश कुचाथलेगु जिमिगु चाहना मखु तर मधेशया जनताया अधिकार कायेगु निंतिं जिमिसं माःगु भूमिका म्हितेगु जुइ ।'
