संविधानसभाया बैठक थौं च्वन
येँ (सन्ध्या टाइम्स)/वंगु निला न्ह्यः निसें छुं हे ज्या मदयाः स्थगित जुयाच्वंगु संविधानसभा थनिंनिसें हानं न्ह्याःगु दु। थौं च्वंगु संविधानसभाया बैठकय् राज्यया मौलिक हक व राज्यया निर्देशिक सिद्धान्त समितिं तयार याःगु प्रतिवेदन समितिया सभापति विन्दा पाण्डें न्ह्यब्वयादीगु खः ।
थ्वहे झ्वलय् थीथी प्यंगू समितिं थःपिनि प्रतिवेदन तयार याये मफुगुलिं संविधान च्वयेगु तालिकायात थौं हानं संशोधन यायेत्यंगु दु। खुक्वः तक संशोधन जुइधुंकूगु कार्यतालिकाया अन्तिम म्याद थौं तक खःसां नं प्रतिवेदन तयार मजूगुलिं कार्यतालिका संशोधन यायेत्यंगु खः ।
