नेवाः लोकतान्त्रिकया कचा स्वन

येँ (सन्ध्या टाइम्स)/नेवाः लोकतान्त्रिक संघ नेपाःया १५ वडा कचा स्वंगु दु। वंगु शुक्रवाः एमालेया केन्द्रीय दुजः जीवनराम श्रेष्ठया प्रमुख आतिथ्यय् जूगु ज्याझ्वलय् पूर्णकाजी ज्यापुया अध्यक्षताय् वडा कचा नीस्वंगु खः। अथे हे कचाया न्वकु अर्जुन महर्जन, सुभाष डंगोल, छ्याञ्जे कुमेश वज्राचार्य, लिउ छ्याञ्जे राजेन्द्रप्रसाद श्रेष्ठ व दांभरी कृष्णकुमार तुलाधारपिं च्वनादीगु दु। अथे हे दुजलय् गणेशमान श्रेष्ठ, चिनिकाजी महर्जन, कर्ण श्रेष्ठ, निरज श्रेष्ठ, राजेन्द्र श्रेष्ठपिं दुजः कथं च्वनादीगु दु। ज्याझ्वलय् नेवाः लोकतान्त्रिक संघया नायः सानुराजा शाक्य, एमालेया जिल्ला दुजः इश्वरमान डंगोलपिंसं नं थःथःगु नुगः खँ प्वंकादीगु खः ।