हेलिकप्टर दुर्घटना, छम्ह सित

सुर्खेत विमानस्थलपाखें कार्गो कयाः हुम्लाया सिमिकोटया निंतिं ब्वःगु मनाङ एयरया हेलिकप्टर दुर्घटना जुया छम्ह सिगु दु ।

आइतवाः सुथय् हुम्लाया रुबिकोट गाँउ विकास समितिलय् मनाङ एयरया नाईन एन-ए-एचटी कलसाईनया हेलिकप्टरया दुर्घटना जूगु खः । दुर्घटनाय् रसियन नागरिक फ्लाइट इन्जिनियर सर्गेइ सिगु दु । अथेहे दुर्घटनाय् लानाः चालक दलया स्वम्ह नापं मेम्ह निम्ह घाःपाः जूगु दु । घाःपाः जूपिंत सुर्खेतं वंगु श्री एयरलाइन्सया हेलिकप्टरं उद्दार याःगु खः । घाःपाः जूपिंत सुर्खेतय् सामान्य वासः याका थप उपचारया निंतिं येँ हःगु दु ।

कार्गो ज्वनाः ब्वःगु हेलिकप्टर सुथय् झिंछताः ईलय् दुर्घटना जूगु खः । हेलिकप्टरय् प्यम्ह चालक नापं निम्ह यात्रु जक दुगु खः ।