पर्साया सरकारी ज्याकूथीया ज्या सुचारु

कृषि व सहकारी राज्यमन्त्री करिमा बेगमं पर्साया प्रमुख जिल्ला अधिकारी दुर्गाप्रसाद भण्डारीयात वंगु मंगलवाः हातपात याःगु विरुद्ध आन्दोलनय् कुहांविपं सरकारी कर्मचारीतय्सं आइतवाः निसें सरकारी ज्याकूया ज्या सुरु याःगु दु ।

न्यान्हु न्ह्यः निसें मन्त्री बेगमयात कारवाहीया माग यासें आन्दोलन यानाच्वंगु नेपाल निजामति कर्मचारी संगठन व राष्ट्रिय कर्मचारी महासंघं शनिवाः बहनी थःपिनिगु आन्दोलन स्थगित यायेवं थौं निसें ज्याकूथी सुचारु जूगु खः । कर्मचारीतय्सं न्यान्हूया दुने नं मन्त्री बेगमयात कारवाही मयासाः हानं आन्दोलनय् कुहांवयेगु ख्याच्वः ब्यूगु दु ।