एयर एम्बुलेन्सय् च्वनाः कोइराला सिंगापुर प्रस्थान

उसाँय् मदुम्ह नेपाली कांग्रेसया सभापति नापं पुलांम्ह प्रधानमन्त्री गिरिजाप्रसाद कोइराला शनिवाः सुथाय् हवाई एम्बुलेन्स पाखें सिंगापुर प्रस्थान यानादीगु दु । सिंगापुर पाखें कोइरालाया निंतिं शुक्रवाः विशेष हवाई एम्वुलेन्स येँ वःगु खः ।

शनिवाः सुथय् शहिद गंगालाल हृदय केन्द्र पाखें तप्यंक त्रिभुवन विमानस्थलय् झायादिम्ह कोइराला गुताः ईलय् सिंगापुर वनादीगु खः । कोइरालाया वासः सिंगापुरया ट्रिपल वन समर सिटीइ दुगु क्लेप निकल्स अस्पतालय् जुइ । वयेक नापं डा. मनबहादुर केसी, जगदिश अग्रवाल व जिजुनाथ पोखरेल सिंगापुर वंगु दु ।

कोइरालाया थप उपचारया निंतिं विदेश यंकेमाःगु व ईलय् हे अक्सिजन बीमाःगुलिं हवाइ एम्बुलेन्स विमानया व्यवस्था याःगु खः ।