पञ्चवीर सिंह सिरपाः

येँ (सन्ध्या टाइम्स)/ सन्ध्या टाइम्स न्हिपती प्रत्येक बुद्ध संवत् दुने पिदनीगु बुद्ध धर्म सम्बन्धी उत्कृष्ट च्वसुयात बीगु पञ्चवीर सिंह सिरपाः थुगुसी मिसा च्वमिपाखे मय्जु माया मानन्धर व मिजं च्वमिपाखे डा. कविन्द्र वज्राचार्ययात बीगु क्वःछिउगु दु। मानन्धरया 'बुद्ध'धर्मय् दानया महत्व' च्वसु व वज्राचार्यया 'शान्तिया लागिं बुद्धया शिक्षा' च्वसुया लागिं थुगु सिरपाः बीत्यंगु खः। रीना तुलाधर व मदनरत्न मानन्धरपिनि निर्णायक मण्डलं थुगु निर्णय याःगु खः। आः याकनं हे थगुने व थुगुसीया निगुलिं सिरपाः बीगु कथं छगू ज्याझ्वः यायेत्यनागु खँ दाता भाजु पञ्चवीर सिंह तुलाधरं कनादीगु दु ।