शान्ति सम्झौता बारे अन्तर्क्रिया
ख्वप (सन्ध्या टाइम्स)/नेपाल मानव अधिकार संगठन ख्वप शाखाया ग्वसालय् शान्ति सम्झौता बारे पत्रकार अन्तर्क्रिया ज्याझ्वः जुल ।
ज्याझ्वलय् नेपाल मानव अधिकार संगठनया अध्यक्ष सुदिप पाठकं बृहत् शान्ति सम्झौताया पालना मजुइकं देशय् शान्ति प्रक्रिया तार्किक निष्कर्षय् मथ्यनीगु खँ कनादिल।
नेपाल मानव अधिकार संगठन ख्वप शाखाया अध्यक्ष हरिराम लवजूया सभापतित्वय् जूगु उगु ज्याझ्वलय् नेपाल मानव अधिकार संगठन ख्वप शाखाया सल्लाहकार प्रा. पृथुचरण बैद्य, संस्थाया सचिव विश्वराम दुवाल लगायतया वक्तातय्सं शान्ति सम्झौता व मानव अधिकारया बारे पत्रकारतय्त कनादीगु खः ।
