जिं संविधान उल्लंघन यानागु मदु : राष्ट्रपित
राष्ट्रपति डा. रामवरण यादवं थ:म्हं संविधान उल्लंघन यायेगु कथं छुं नं ज्या मयानागु खँ धयादीगु दु । वयेकलं थ:म्हं दक्वं ज्या संविधानया दायारा दुने च्वना: यानागु दाबी नं यानादिल ।
शुक्रवाः झापाया खनारमनी-७य् निर्माण जूगु न्हूगु मेची अञ्चल मिखा केन्द्रया उल्लेज्या यानादिसें वयेकलं धयादिल, - 'जिं न्ह्यावलें संविधानया पालना यानागु दु । म्हिग नं याना, थौं नं याना व कन्हय् नं याये ।'
राष्ट्रपति यादवं दलत दथुइ दुगु समस्याया समाधान सहमति व सहकार्य माफर्त मालेमाःगु खँय् बः बियादिसें संसदयात सहमति मालेगु थाय् दयेकेत इनाप यानादिल । वयेकलं जोरजबर्जस्तीं देय् चलेमजुइगु धयादिसें ल्वाभः व जोरजबर्जस्तीयात थन छुं नं थाय् मदुगु धयादिल । वयेकलं समुन्नत देय् निर्माण यायेत जबर्जस्ती मखु सभ्य संस्कारया आवश्कता जूगु धयादिल ।
राष्ट्रपति अन वइगु सीयाः माओवादीं शुक्रवाः झापा बन्दया आह्वान याःगु खः । माओवादीं बिहीवाः सिंहदरवार घेराउ यायेगु ज्याझ्वलय् प्रहरीं हस्तेक्षप याःगु विरोधय् झापा बन्द यानाःगु खँ धाःगु दु ।
