मन्त्रीत सुथय् हे सिंहदरवारय्
बिहीवाः मन्त्रिपरिषदया बैठकं शुक्रवाः माओवादी घेराउ न्ह्यः हे दक्वं मन्त्रीतय्त सिंहदरवारय् उपस्थित जुइत ब्यू निर्देशन कथं थौ घेराउ ज्याझ्वः न्ह्यः हे मन्त्रीत सिंहदरवार थ्यंकूगु खः । माओवादीया सिंहदरवार घेराउ आन्दोलनया कारणं बिहीवाः देय्या प्रशासनिक केन्द्रया ज्या ठप्प जुइगु खः ।
मन्त्रिपरिषदया निर्देशन कथं गृहमन्त्री भीम रावल दकलय् न्हापां सिंहदरवार थ्यंकादीगु खः । वयेक नेपाल प्रहरी महानिरिक्षक रमेश चन्द ठकुरी नापं सुथय् ५:४५ बजे हे सिंहदरवार दुहां वनादीगु खः । अथेहे उपप्रधानमन्त्री विजयकुमार गच्छदार, शान्ति मन्त्री रकम चेम्जोङ, उर्जामनत्री प्रकाशशरण महत लगायत मन्त्री नं सुथय् हे सिंहदरवार थ्यंकादीगु खः ।
मन्त्रीत सिंहदरवारय् थ्यंसां प्रधानमन्त्री माधवकुमार नेपाल अझ नं उसाँय् मदयाः प्रधानमन्त्री निवासय् आराम यानाच्वनादीगु दु ।
