सरकारं देया प्रशासनिक केन्द्रया ज्या प्रभावित जुइमबीगु
सरकारं गुनं हालतय् देया प्रशासनिक केन्द्रया ज्या प्रभावित जुइमबीगु निर्णय याःगु दु । बिहीवाः माओवादीया सिंहदरवार घेरउ आन्दोलन क्वचायेकाः च्वंगु मन्त्रिपरिषदया बैठकं माओवादीया घेरावन्दी पाखें प्रशासनिक ज्या प्रभावि जुइ मबीगु निर्णय याःगु दु ।
माओवादीया सिंहदरवार घेराउ व सुरक्षास्थिति बारे केन्द्रीत मन्त्रिपरिषदया बैठकं माओवादीं शुक्रवाः सुथय् च्याताः ईलय् सिंहदरवार घेराउ ज्याझ्वः याइगु जूगुलिं दक्वं मन्त्रीतय्त अनिवार्य रुपं सुथय् न्ह्यताः ईलय् ज्याकू थ्यंकेत नं उर्दी जारी याःगु दु ।
बैठकं शुक्रवाःया निंतिं आवश्यक सुरक्षा व्यवस्था तयार यायेत गृहमन्त्रीया निर्देशन नं ब्यूगु दु । अथेहे बैठकय् गृहमन्त्री रावलं बिहीवाःया घेराउ व सुरक्षास्थितिया बारे जानकारी बियादीगु खः ।
प्रधानमन्त्री माधवकुमार नेपाल अस्वस्थ जुयादीगुलिं मन्त्रिपरिषदया अध्यक्षता उपप्रधानमन्त्री विजयकुमार गच्छदारं यानादीगु खः ।
