सरकार पाखें माओवादीया धापू प्रति आपत्ति
वर्तमान राजनीतिक गतिरोध चीकेगु निंतिं सरकारं बेवास्ता याःगु माओवादीया धापू प्रति सरकारं आपत्ति प्वंकूगु दु ।
प्रधानमन्त्रीया प्रेस सल्लाहकार विष्णु रिजालं बिहीवाः छगू प्रेस विज्ञप्ति पिथंनादिसें प्रधानमन्त्री माधवकुमार नेपालं अस्वस्थताया बाबजुद नं वार्ता व सहमतिया निंतिं माओवादी नेतृत्वयात इनाप याःगु खँ न्ह्थंनादीगु दु ।
प्रधानमन्त्री नेपालं बुधवाः माओवादी अध्यक्ष पुष्पकमल दाहाल 'प्रचण्ड' नाप फोनय् खँल्हाबंला यानादिसें आन्दोलन अन्त्य यानाः गतिरोध चीकेत इनाप यानादीगु खः । रिजालं फोन वार्ताय् प्रधानमन्त्री नेपालं गतिरोध चीकेत सहलह यायेगु खँ धयादिसें मंकाः सहमति यानाः याकनं बजेट पारित यायेनु धकाः माओवादी अध्यक्षयात इनाप याःगु धयादिल । माओवादी अध्यक्षं धाःसा लिपा खँल्हाबंला याये धकाः लिसः बियादीगु नं प्रमया प्रेस सल्लाहकार रिजालं विज्ञप्तिइ न्ह्यथंगु दु ।
रिजालं छुं दिं न्ह्यः जूगु सहलहलय् वार्तायात निरन्तरता बीगू सहमति जुसां नं माओवादीपाखें हे लिबाकाच्वंगु द्वपं बियादिल ।
