नेवाः जागरणया विरोध

येँ (सन्ध्या टाइम्स)/येँया स्वयम्भुइ वयाः ताम्सालिङ राज्य घोषणा याःगु ज्यायात नेवाः जागरण मञ्चं विरोध याःगु दु। मञ्चया संयोजक सुजिव वज्राचार्यं थन छगू वक्तव्य पिकासें नेवाःतय् सीमा अतिक्रमण यानाः अथे घोषणा यायेगु पाय्छि मखु धासें थज्याःगु उत्तेजक ज्यां संघीयता विरोधीतय्सं लबः काइगु खँय् सचेत जुइत इनाप यानातःगु दु। मञ्चं उगु घोषणाय् उल्लेख जुयाच्वंगु सीमाया खँ संशोधन यायेत नं माग याःगु दु ।