भक्तपुर घरेलु उद्योगया झिंच्याक्वःगु तःमुँज्या
ख्वप (सन्ध्या टाइम्स)/ भक्तपुर घरेलु तथा साना उद्योग संघया झिंच्याक्वःगु तःमुँज्या नेपाल घरेलु तथा साना उद्योग महासंघया अध्यक्ष लता प्याकुरेलं उलेज्या यानादिल।
भक्तपुर घरेलु तथा साना उद्योग संघया अध्यक्ष प्रदीप श्रेष्ठया सभापतित्वय् जूगु ज्याझ्वलय् महासंघया सचिव चन्दनकृष्ण श्रेष्ठ, भक्तपुर उद्योग वाणिज्य संघया अध्यक्ष उत्तमप्रसाद वैद्य, भक्तपुर घरेलु तथा साना उद्योग संघया सल्लाहकार उत्तम झा, निवर्तमान अध्यक्ष सत्यनारायण प्रजापति, उपाध्यक्ष्य लक्ष्मण ग्वाछापिंसं न्ववानादीगु खः।
ज्याझ्वलय् संघया सचिव मोहनदास श्रेष्ठ व कोषाध्यक्ष राजकुमार प्रजापतिपिंसं न्ह्यब्वयादीगु वार्षिक प्रतिवेदन व आर्थिक प्रतिवेदन पारित याःगु खः ।
