सहमति मजूसाः आमडताल यायेगु प्रचण्डया ख्याच्वः

आन्दोलनरत एनेकपा (माओवादी)या अध्यक्ष पुष्पकमल दाहाल 'प्रचण्डं' सहमति मजूसाः स्वंगूगु चरणया आन्दोलन अन्तर्गत आमहडताल यायेगु ख्याच्वः बियादीगु दु ।

निक्वः चरणया आन्दोलन अन्तर्गत सिंहदरवार घेराउया भद्रकाली च्वनाः नेतृत्व यानाः पत्रकारत लिसे खँल्हाबंला यानादिसें वयेकलं राष्ट्रपतिया पलाः भिंकेगु ज्या मजूतल्ले सहमति जुइत थाकूगु धयादिल । वयेकलं थ:पिं न्ह्यावलें वार्ता पाखें सहमति यायेत तयार दुगु धयादिसें सहमति यायेगु पाखे सरकारं च्यूताः मतःगु द्वपं बियादिल ।

वयेकलं संविधानसभा भंग यायेगु व शान्ति प्रकृयाया स्यंकेगु कुतः जुयाच्वंगुलिं थःपिं शान्ति प्रकृया व संविधान च्वयेगु ज्यायात निष्कर्षय् थ्यंकेत आन्दोलन यानाच्वंगु दाबी यानादिल ।