माओवादी अझ नं युद्धया पक्षय् : देउवा
नेपाली कांग्रेसया वरिष्ठ नेता शेरबहादुर देउवां एनेकपा (माओवादी) अझ नं युद्धया पक्षय् दुगु द्वपं बियादीगु दु । वयेकलं माओवादीलय् युद्धकालीन मनस्थिति हावी जूगु धयादिसें माओवादी शान्ति प्रकृयाय् वयाः नं युद्धकाली मनस्थिती त्वते मफुगु तसकं दुर्भाग्यपूर्ण खँ जूगु धयादिल ।
नेपाल प्रेस युनियनया मध्यपश्चिम स्तरिय क्षेत्रिय भेलाया बिहीवाः बर्दियाय् उल्लेज्या यानादिसें वयेकलं बजेट पारित यायेमबीया माओवादीं तानाशाहि चरित्र प्रर्दशन यानाच्वंगु द्वपं बियादिल । वयेकलं माओवादीं देशय् विकास निर्माण जूगु स्वये चाहेमजूगुलिं बजेट पारित याये मब्यूगु नं धयादिल ।
माओवादी प्रति आक्रामक खनेदुम्ह कांग्रेस नेता देउवां संसदय् दकलय् तःधंगु दल जुयाः नं जनताया सम्पत्ति कब्जा यायेगु ज्या यानाच्वंगु गुलि लोकतान्त्रि खः धकाः न्ह्यसः तयादिल ।
ज्याझ्वलय् प्रेस युनियनया केन्द्रिय अध्यक्ष समिरजंग शाह, केन्द्रीय उपाध्यक्ष युवराज श्रेष्ठ, पत्रकार महासंघया महासचिव पोषण केसी लगायत पत्रकारतय्सं पत्रकारत अझ असुरक्षीत जूगु धासें प्रेस स्वतन्त्रताया ग्यारेण्टी यायेत माग याःगु खः ।
