मन्त्रिपरिषदया बैठक थौं नं स्थगित

एकीकृत नेकपा (माओवादीं) पूर्व घोषित सिंहदरवार घेराउ यायेगु ज्याझ्वः बिहीवाः यायेवं मन्त्रिपरिषदया बैठक थौं नं स्थगित जूगु दु । माओवादीया सिंहदरवार घेराउ ज्याझ्व:या कारणं मन्त्रीत प्रकाशशरण महत, बालकृष्ण खाँड व डम्बर श्रेष्ठ बाहेक मेपिं दक्वं मन्त्रीत सिंहादरवार दुहांवने मफुगु खः ।

थ्वस्वयां न्ह्यः नेपाली कांग्रेसया सभापति गिरिजाप्रसाद कोइरालाया उसाँययात प्रमुख मुद्दा दयेकाः बुधवाः च्वनेगु धाःगु मन्त्रिपरिषदया बैठक छकः प्रधानमन्त्री माधवकुमार नेपाल उसाँय् मदयाः स्थगित यायेमाःगु खःसा लिपाः कांग्रेस सभापति कोइरालाया स्वस्थ्य अवस्था बारे रिपोर्ट मवःगुलिं स्थगित याःगु खः ।

मन्त्रिपरिषदया बैठक मेगू बैठक गुवलय् च्वनीगु धइगु खँ अनिश्चित जूगु दु ।