सरकारं निषेधाज्ञा लितकाल
सरकारं मंगलवाः सिंहदरवार क्षेत्रय् अप्वयेकूगु निषेधाज्ञा बुधावः लितकाःगु दु । मंगलवाः जिल्ला प्रशासन ज्याकूं सूचना जारी यानाः सिंहदरवारया उत्तर पदमोदय स्कुल स्वयां सच्छि मिटर न्ह्यने व कालिकास्थानय् निषेधाज्ञा घोषणा याःगु खः ।
सरकारं सर्वसाधानर जनता व कर्मचारीयात आवातजावत यायेत थाकूइगु धासें निषेधाज्ञा लितकाःगु खँ गृह मन्त्रालयं धाःगु दु ।
थ्वस्वयां न्ह्यः सिंहदरवारया पूर्व, पश्चिक व दक्षिण क्षेत्रय् न्हापा हे निषेधित क्षेत्र घोषणा यानातःगु दु । माओवादीं निक्वःगु चरणया आन्दोलन स्वरुप काक्तिक २६ व २७ गते सिंहदरवार घेराउ यायेगु ज्याझ्वः यायेत्यंगुलिं सरकारं थप निषेधित क्षेत्र घोषणा याःगु खः ।
बुधवाः हे माओवादी उपाध्यक्ष डा. बाबुराम भट्टराईं सरकारं अलोकतान्त्रिक ढंगं थप निषेधित क्षेत्र घोषणा याःगु धासें उगु घोषणाया उल्लंघन यायेगु ख्याच्वः बियादीगु खः ।
