मन्त्रीया विरोधय् कर्मचारी आन्दोलित
येँ (सन्ध्या टाइम्स)/पर्सा जिल्लाया सीडीओ दुर्गाप्रसाद भण्डारीयात कृषि राज्य मन्त्री करिना बेगमं दाःगु विरोधय् थौं थीथी कर्मचारी संगठनतय्सं देय्न्यंकं सरकारी ज्या ठप्प यानाः आन्दोलन न्ह्याकूगु दु। थ्व झ्वलय् नेपाल निजामति कर्मचारी संगठनया आह्वानय् देय्न्यंकंया सरकारी ज्याकुथी निघौ ज्या दिकाः कृषि तथा सहकारी मन्त्रालय व गृह मन्त्रालयय् नं धर्ना बिउगु दु ।
उखे पर्साया कर्मचारीतय्सं अनिश्चितकाल तकया निंतिं सरकारी ज्याकू बन्द याःगु दु। आन्दोलनया झ्वलय् कर्मचारी संगठनतय्सं राज्यमन्त्री बेगमयात कडा कारबाही यायेमाःगु, कर्मचारीतय् सुरक्षाया ग्यारेन्टी जुइमाःगु लगायत १७ बुँदे माग तःगु दु ।
थ्वहे झ्वलय् कर्मचारीतय्सं गृहमन्त्री भीम रावलयात ज्ञापनपत्र बीगु तयारी नं यानाच्वंगु दु ।
