कोइरालाया स्वास्थ्य सुधार
येँ (सन्ध्या टाइम्स)/ नेपाली कांग्रेसया सभापति गिरिजाप्रसाद कोइरालाया स्वास्थ्य सुधार जुयावःगु दु। वय्कःया हि जाँच लिपा गबलय् डिस्चार्ज यायेगु धाये फइगु खँ अस्पतालं धाःगु दु ।
थ्वहे झ्वलय् अस्वस्थ्य जुयाच्वंम्ह सभापति कोइरालायात स्वयेत माओवादी अध्यक्ष प्रचण्ड गंगालाल ह्दय रोग केन्द्र झाःगु दु ।
अथे हे गृहमन्त्री भीम रावल नं थौं सुथय् अस्पताल वनाः कोइरालाया स्वास्थ्यस्थिति बारे जानकारी कयादीगु दु।
कोइरालां थौं सुथय् थम्हं हे नसा नयादीगु व डाक्टरतय्के थःत गबलय् डिस्चार्ज यायेगु धकाः न्यंगु खँ धाःगु दु ।
