प्रधानसेनापति प्रकरणय् थौं बहस

येँ (सन्ध्या टाइम्स)/प्रधानसेनापति प्रकरणय् राष्ट्रपतिं ल्ह्वंगु पलाःयात कयाः लाःगु मुद्दाय् थौं सर्वोच्च अदालतय् सुनुवाइ जुइत्यंगु दु। राष्ट्रपतिया निर्णय पाय्छि मजू धासें इन्हुरेड इन्टरनेशनलं दायर याःगु उगु मुद्दाय् राष्ट्रपतिया पक्षय् थौं झिंखुम्ह वकिलतय्सं बहस याइगु खँ धाःगु दु। प्रधानसेनापति प्रकरणया मुद्दाया आः तकं फैसला मजूनिसा तत्कालिन प्रधानसेनापति रुक्मांगद कटवाल धाःसा सेवा निवृत्त जुइधुंकूगु दु ।