प्रधानमन्त्रीया रोम भ्रमण रद्द

प्रधानमन्त्री माधवकुमार नेपालं थ:गु रोम भ्रमण रद्द यानादीगु दु । प्रधानमन्त्री नेपालयात भाइरल ज्वरो वःगु व नेपाली कांग्रेसया सभापति गिरिजाप्रसाद कोइरालायात नं उसाँय् मदुगुलिं वयेकलं भ्रमण रद्द यानादीगु खँ प्रधानमत्रीया प्रेस सल्लाहकार विष्णु रिजालं कनादिल ।

प्रधानमन्त्री नेपाल थ्वहे वइगु शनिवाः विश्व खाद्य शिखर सम्मेलनय् ब्वति कायेत नेपाःया प्रतिनिधि मण्डलया नेतृत्व यासें उखे पाखे वनेतयंगु खः । वयेक मवनेगु जुइवं आः प्रतिनिधि मण्डलया नेतृत्व कृषि मन्त्री मृगेन्द्र सिंह यादवं यानादी ।