मधेशी मोर्चाय् दनुवार सर्वसम्मत
वर्तमान नायः कृष्णदेव सिंह दनुवारया नायःसुइ हे न्हूगु कार्यसमिति ल्यःसें मधेशी राष्ट्रिय मुक्ति मोर्चा नेपाल (क्रान्तिकारी)या राष्ट्रिय सम्मेलन थौं क्वचा:गु दु । दनुवारको नायःसुइ १५० दुज: दुगु कार्य समिति सर्वसम्मतिं जूगु ख: ।
कार्त्तिक २० गतेनिसें वीरगंजय् न्ह्याःगु एकताया सम्मेलनं जनताया संघीय गणतन्त्रया पलिस्था यासें स्वायत्त मधेस गणराज्य पलिस्था याये धइगु नारा पारित याःगु दु । म्हिगः हे क्वचाइ धयातःगु सम्मेलन नेतृत्व ल्ययेगु प्रक्रिया पुरा मजूगुलिं छन्हु ताःहाकः याःगु खः ।
सम्मेलनं न्हूगु विधान संशोधन सहित पारित याःगु व सांगठनिक तथा राजनितिक प्रतिवेदनत समेत पारित जूगु जानकारी मोर्चाया नेता प्रभु शाहं बियादिल ।
सम्मेलनं भोजपुरा, अवध व मिथिला राज्ययात दुथ्याका: मधेश प्रदेश दयेकेगु राजनीतिक प्रतिवेदन पारित या:गु दु । नापं राजनीतिक, सांगठनिक, आर्थिक प्रतिवेदन व विधान नं पारित या:गु दु ।
