माओवादीं संवैधानिक समितिइ ब्यागलं मतया प्रस्ताव
एकिकृत नेकपा (माओवादीं) संविधानसभाया संवैधानिक समितिइ पार्टियापाखें ब्यागलं मतया प्रस्ताव न्ह्यब्वइगु जूगु दु ।
संविधानसभा अन्तरगत संवैधानिक समितिइ दुपिं माओवादी सभासद्तय्गु मंगलवा: सुथय् माओवादी केन्द्रीय ज्याकु पेरिस डाँडाय् च्वंगु वैठकं ब्यागलं मत यंकेगु निर्णय याःगु जानकारी सभासद सुर्यमान दोङं बियादीगु दु ।
माओवादीं संविधानया प्रस्तावनाय् आत्मनिर्णयया अधिकार, राष्ट्रिय ध्वाँय, धर्म निरपेक्षता, राष्ट्रिय जनावर, राज्य पुनरसंरचना लगायतया विषयलय् ब्यागलं प्रस्ताव यंकेगु तयारी याःगु दु ।
संवैधानिक समितिया सभापतिं थ्व स्वयां न्ह्यःया वैठकय् समितिया अवधारणा सहितया मस्यैदा न्ह्यब्वसें अध्ययन यानाः फुक्क दुजःतय्त निन्हुया दुने थःगु धारणा न्ह्यब्वयेत निर्देशन यायेवं माओवादीं देव गुरुङ्या नेतृत्वय् मंका: धारणा न्ह्यब्वयेत्यंगु खः । संवैधानिक समितिया सभापति निलाम्वर आचार्यं समितिइ जूगु सहलहया आधारय् जूगु सहमति व असहमति कःघानाः समितिया अवधारणा सहितया मस्यौदा तयार यानादीगु खः ।
