व्यवस्थापिका संसदया बैठक स्वीच्याक्वःगु खुसिइ नं अवरुद्ध

लगातार रुपं स्थगित जुयावयाच्वंगु व्यवस्थापिका संसदया बैठक थौं स्वीच्याक्वःगु खुसिइ नं अवरुद्ध जूगु दु । सेनापति प्रकरणय् राष्ट्रपितं न्ह्याकूगु असंवैधानिक पला:या विषयस सदनय् सहलह यायेदयेमाःगु माग यासें वयाच्वंगु एकीकृत नेकपा (माओबावीं) थौंया बैठक न्ह्यायेवं हे नाराबाजी यासें रोष्ट्रम घेराउ याःगु खः ।

माओवादी सभासद्तय्गु नाराबाजी लिपा संविधान सभाया सभाध्यक्ष सुवासचन्द्र नेम्वाङं संसदया बैठक २९ गते झिंछताः ई तकया निंतिं बैठक स्थगित यानादीगु खः ।