'माओवादी न्हापाया अवस्थाय् लिहांवनेगु ख्याच्वः'

एकीकृत नेकपा (माओवादी)या न्वकु डा. बाबुराम भट्टराईं शान्तिपूर्ण आन्दोलनपाखें समस्याया समाधान मजूसा माओवादी न्हापाया अवस्थाय् लिहाँवनेगु ख्याच्वः ब्यूगु दु ।

अखिल क्रान्तिकारी विश्वविद्यालय समितिया एकतालिपया निक्वःगु सम्मेलनया उलेज्या यानादिसें डा. भट्टराईं मेमेगु दलत संविधानसभा भंग यायेगु षड्यन्त्रय् न्ह्यज्याःगु जूसां नं माओवादीं अज्याःगु षड्यन्त्र पूवंके मबीगु धयादिल । निक्वःगु चरणया आन्दोलन कथं २६ व २७ गते यायेत्यंगु सिहंदरवार घेराउ ज्याझ्वः उत्कर्ष जूगु धासें डा. भट्टराईं उकि लखौं जनताया ब्वति दइगु दाबी यानादिल ।

अखिल क्रान्तिकारी विश्वविद्यालय समिति सम्मेलनं न्हूगु नेतृत्व ल्ययेगुया लिसलिसे संघर्षया ज्याझ्वः समेत हइगु जूगु दु ।