राज्य मन्त्री बेगमं पर्साया प्रजिअ भण्डारीयात थप्पड !

कृषि तथा सहकारी राज्य मन्त्री करिना बेगमं पर्साया प्रमुख जिल्ला अधिकारी दुर्गाप्रसाद भण्डारीयात दाःगु दु । थःगु निंतिं पुलांगु गाडी छ्वयाहःगु धासें राज्य मन्त्री बेगमं भण्डारीयात आक्रमण याःगु खः ।

जिल्ला प्रशासन ज्याकूलय् राज्य मन्त्री बेगमयात लसकुस यायेत थ्यंकादीम्ह प्रमुख जिल्ला अधिकारीयात वय्कलं छक्वलं दाःगु खः । राज्यमन्त्रीया थप्पड लिपा वय्कःया ग्वाहालिमि पिंसं भण्डारीयात थप आक्रमण याःगु खः । आक्रमणपाखें वय्कःया छ्यं तज्याःगु दु । राज्यमन्त्रीपाखें जूगु उगु घटनाया विरोधय् पर्साया फुक्कं सरकारी ज्याकू बन्द याःगु खः । ल्हाः नःम्ह भण्डारीं थःत याःगु दुर्व्यवहारया प्रतिकार यायेगु खँ धयादीगु दु ।