मन्त्रीया छड्के कर्मचारी अनुपस्थित

येँ (सन्ध्या टाइम्स)/वन मन्त्री दिपक बोहरां थौं थःगु मन्त्रालयय् छड्के जाँच यायेगु झ्वलय् मन्त्रालयय् १९ म्ह कर्मचारी अनुपस्थित जुयाच्वंगु लुइकूगु दु। मन्त्री बोहरा १० बजे जुयाः २० मिनेटय् मन्त्रालय थ्यंगु खः। मन्त्रीया छड्केय् मन्त्रालयया सहसचिव १, उपसचिव ३, शाखा अधिकृत ४, राजपत्र अनंकित ११ यानाः १९ म्ह कर्मचारी अनुपस्थित जुयाच्वंगु लुइकूगु खः। अनुपस्थित कर्मचारीयात कारवाही यायेगु खँ वय्कलं कनादिल ।