मन्त्री बोहरापाखें छड्के जाँच

जनताया नियमित ज्याय् जुयाच्वंगु ढिलासुस्ती व कर्मचारीतय् लापरवाही अप्वःगु धासें वन मन्त्री दिपकं बोहरां थःगु हे मन्त्रालयय् मंगलवाः छड्के जाँच यानादीगु दु ।

सुथय् झिताः ईलय् यानादीगु छड्के जाँचया झ्वलय् मन्त्रालय अन्तर्गतया झिंगुम्ह कर्मचारीत अनुपस्थित जुयाच्वंगु लुइकूगु खः । छड्केया झ्वलय् मन्त्रालयया छम्ह सहसचिव, स्वम्ह उपसचिव, प्यम्ह शाखा अधिकृत व झिंछम्ह राजपत्र अनंकित कर्मचारीत अनुपस्थित जुयाच्वंगु लुइकूगु खः ।

छड्के जाँचया लिपाः मन्त्री बोहरां सरकारी कर्मचारीतय् लापरवाही अप्वयाच्वंगु धायादिसें अज्याःपिं कर्मचारीतय्त कारवही यायेगु धयादिल ।