नेपाः पार्टीं सरकारयात ब्यूगु समर्थन लितकाल
नेपाः राष्ट्रिय पार्टीं वर्तमान सरकारयात ब्यूगु समर्थन औपचारिक रुपं लितकाःगु दु ।
नेपाः पार्टीया नायः डा. केशवमान शाक्यं मंगलवाः छगू विज्ञप्ति पिथंनादिसें सरकारयात ब्यूगु समर्थन लितकाःगु खः । नेपाः पार्टीं वर्तमान सरकारयात स्थानीय निकाय पुर्नस्थापना, राज्यया थीथी निकायय् चीचीधंगू दलतय्त नं दुथ्याकेगु, उच्चस्तरीय संयन्त्र गठन यायेगु शर्तय् समर्थन यानागु खःसां सरकारं थुकी पाखे ज्या मयाःगु द्वपं विज्ञप्ति बियातःगु दु ।
अथेहे सरकार शान्ति सम्झौतायात निष्कृय यासें संविधान सभा पाखें न्हूगु संविधान च्वयेगु ज्याय् पंगः थनेगु ज्या यानाच्वंगुलिं सरकारयात ब्यूगु समर्थन लितकाःगु खँ धाःगु दु ।
आइतवाः च्वंगू पार्टीया पूर्ण बैठकं औपचारिक रुपं सरकारयात बियात:गु समर्थन लितकायेगु निर्णय याःगु खःसां पार्टीं मंगलवाः जक विज्ञप्ति पिथनाः समर्थन लितकाःगु खः ।
