कोइरालायात अस्पाल भर्ना
बिरामी जुयादिम्ह नेपाली कांग्रेसया सभापति गिरिजाप्रसाद कोइरालाया स्वस्थ्य अवस्था सोमवाः बहनी निसें स्यनेवं वयेकयात मंगलवाः सुथय् बाँसबारी च्वंगु गांगालाल हृदय केन्द्रय् भर्ना याकूगु दु ।
स्वँलाय् लः जायाः बिरामी जुयादिम्ह कोइरालायात अस्पतालय् जाँच याये धुंका वयेकय स्वास्थ्य अवस्था सुधार जुयाच्वंगु खँ चिकित्सकतय्सं धाःगु दु । केन्द्रया निर्देशक डा. अरुण मास्कें मंगलवाः छगू विज्ञप्ति पिथंसें कोइराला स्वास्थ्य स्थितिलय् सुधार वयाच्वंगु खँ धाःगु दु । विज्ञप्तिइ कोइरालया हिइ अक्सीजनया मात्रा म्हो जूगु कारणं वासः यायेगु ज्या जुयाच्वंगु व चिन्ता यायेमाःगु अवस्था मदुगु खँ न्ह्यथंनातःगु दु ।
कोइरालायात नापलायेत मंगलवाः सुथय् उपप्रधानमन्त्री विजयकुमार गच्छदार, कांग्रेसया कार्यवहाक सभापति सुशील कोइराला, वरिष्ठ नेता शेरबहादुर देउवा लगायत सरकारी अधिकारीत व पार्टीया नेता कार्यकर्तात अस्पताल वंगु खः ।
