मिस नेवाःया ट्यालेन्ट शो
मिस नेवाः २००८या ट्यालेन्ट शो म्हीग जुल । ट्यालेन्ट शोलय् मिस नेवाः ज्याझ्वलय् ब्वति कयाच्वंपिं ३४ म्ह सहभागीतय्सं थःपिंके दुगु थीथी कला न्ह्यब्वःगु खः ।
नेप्लिज फेशन होमया ग्वसालय् जुयाच्वंगु उगु ज्याझ्वलय् प्रतिस्पर्धीत मध्ये प्रेस्का उदास, अर्चना श्रेष्ठ, जस्मिन महर्जन, सरोस्का मानन्धर, रेणु श्रेष्ठ, रिता प्रजापति व सविता श्रेष्ठं वक्तृत्व कला न्ह्यब्वःगु खः । अथेहे आयुष्मा प्रधानं गितार थानाः क्यनादिलसा कृपा श्रेष्ठं मार्शल आर्ट न्ह्यब्वयादिल ।
सृष्टि राजकर्णिकार लीजा, प्रधानांग सृर्जा श्रेष्ठं म्ये न्यंकादीगु ज्याझ्वलय् कमलेश स्थापित, लुनिभाः श्रेष्ठ, रोजिता शाक्य, रुवी माली, रुविजा मानन्धर, मनिषा श्रेष्ठ, शर्मिला महर्जन, दृष्टि कंसाकार, सिर्जना महर्जन, आकाशा वज्राचार्य, निलिमा रंजित, सोनि प्रजापति, मनिषा महर्जन, दीपिका महर्जन, कृपा महर्जन, सुशिला तण्डुकार, पुनम कपाली, सानुमैंया महर्जन, रिजिना डंगोल, तृसला श्रेष्ठ, सुशिला श्रेष्ठ व सुरिना पुजारीं प्याखं हुलाः क्यनादीगु खः । मिस नेवाःया अन्तिम प्रतिस्पर्धा वइगु पुस १५ गते प्रज्ञा भवनय् जुइगु ज्याझ्वः दु ।
