सगरमाथाय् क्याबिनेट मच्वनीगु ?
येँ (सन्ध्या टाइम्स)/सगरमाथाया आधार शिविरय् वनाः च्वनेगु धकाः निर्णय यानातःगु मन्त्रिपरिषद्या बैठक आः मच्वने फुगु खँ सीदुगु दु। जलवायु परिवर्तनपाखें सगरमाथाया च्वापु नाया वयाच्वंगु बारे जनचेतना थनेगु ताः तयाः नेपाल सरकारया मन्त्रिपरिषद्या बैठक सगरमाथा बेस क्याम्पय् च्वनेगु निर्णय सरकारं याःगु खः ।
सूत्रं धाः कथं यदि उगु थासय् बैठक च्वं वल धाःसा माओवादीं विरोध यानाः बैठक च्वंके मबीगु सम्भावना पिहां वःगुलिं सरकारं थ्व निर्णय लित कायेत्यंगु खः। सगरमाथा बेश क्याम्प समुद्र सतहं १९,००० फिट च्वय् लाः ।
माल्दिभ्सं नकतिनि समुद्र क्वय् मन्त्रिपरिषद् बैठक च्वंगुलिं नेपालं सगरमाथा बेस क्याम्पय् बैठक च्वनेगु निर्णय याःगु खः ।
