सरकारं छुं हे मयाः: नेपाः पार्टी
येँ (सन्ध्या टाइम्स)/नेपाः राष्ट्रिय पार्टीं एमाले नेता माधव नेपाल नेतृत्वया वर्तमान सरकारयात बियातःगु समर्थन औपचारिक रुपं लित कायेगु निर्णय याःगु दु। म्हिगः च्वंगु पार्टीया पूर्ण बैठकं थ्व निर्णय याःगु खः ।
नेपाः पार्टीं थ्व सरकारयात स्थानीय निकाय पुनर्स्थापना, राज्यया थीथी निकायय् चीधंगु दलतय्त नं सहभागी यायेगु व उच्चस्तरीय संयन्त्र दयेकेगु धइगु शर्तय् समर्थन यानागु खःसां थ्व सरकारं थ्व ज्या मयाःगु जक मखु अःखतं शान्ति सम्झौता निष्क्रिय यासें संविधान सभा हे भंग यानाः न्हूगु संविधान दयेकेगु ज्याय् पंगः थनेगु कथंया कुतः न्ह्याका हःगुलिं सरकारयात बियातयागु समर्थन लित कयागु खँ पार्टीं धाःगु दु ।
