कन्हय् स्वनिगःयात नाकाबन्दी
येँ (सन्ध्या टाइम्स)/ थःपिनि घोषित आन्दोलनया झ्वलय् कन्हय् माओवादीं स्वनिगः दुहां वइगु फुक्क हे नाका पनाः स्वनिगःयात पूर्ण रुपं नाकाबन्दी तइगु जूगु दु। तर स्वनिगः नाकाबन्दी ज्याझ्वलय् स्वनिगः दुनेया यातायात, पसः बजाः, शिक्षण संस्था आदि छुकी नं लिच्वः धाःसा मलाइगु खँ धाःगु दु।
थ्व नाकाबन्दीया झ्वलय् पिने लागां स्वनिगः दुहां वयेगु फुक्क हे नाकात गथे कि नागढुंगा, कोदारी राजमार्ग, छैमले, हुमाने भन्ज्याङ्ग, लाकुरे भन्ज्याङ्ग, नुवाकोट आदि फुक्क हे नाकाय् लँ पनी। कन्हय् हवाई उडान समेत पनेगु धाःगु ज्याझ्वः धाःसा अन्तर्राष्ट्रिय दवावं यानाः लित काःगु दु ।
