थःगु हे पत्रिकां एमालेय् बबाल
उप्रधानमन्त्री वामदेव गौतमयात कयाः एमालेया थःगु हे ख्वाःपौ धयातःगु बुधवाः वाःपती आलोचनात्मक समाचार पिहां वःगु खँयात कयाः म्हिगःया केन्द्रीय बैठकय् ताःहाकः विवाद जुल । वामदेव पक्षीय केन्द्रीय दुजःतय्सं उगु समाचारयात कयाः न्ह्यसः तयेवं पार्टीपाखें वाःपौया समाचारयात कयाः खण्डन पिकायेगु व वाःपौया सम्पादकतय्के स्पष्टीकरण कायेगु निर्णय याःगु दु । केन्द्रीय बैठक थौं क्वचाइगु खँ धाःगु दु । महासचिवं न्ह्यब्वःगु राजनीतिक दस्तावेज पारित यायेगु लागिं छुं न्हि लिपा हानं मेगु बैठक च्वनीगु खँ नं धाःगु दु ।
