भक्तपुर बहुमुखी क्याम्पसया लुँबुदिं
ख्वप (सन्ध्या टाइम्स)/त्रिविविया उपकूलपति प्रा. डा. माधवप्रसाद शर्मां भक्तपुर बहुमुखी क्याम्पसया लुँबुदिं समारोहया उलेज्या यानादिल। ज्याझ्वलय् वय्कलं क्याम्पसय् दशकौं न्ह्यःनिसें आखः ब्वंका वयाच्वंपिं शिक्षक व कर्मचारीतय्त हनापौ नं देछानादिल। नापं क्याम्पस नीस्वनेत ग्वाहालि यानादीपिं प्रा. ऐश्वर्यलाल प्रधानाङ्ग व प्रा. चन्द्रबहादुर श्रेष्ठयात दोसल्लां न्ययेकाः हनादिल ।
क्याम्पस प्रमुख डा. शंकरकुमार उपाध्यायया सभापतित्वय् जूगु ज्याझ्वलय् मूपाहां त्रिविविया रजिष्ट्रार प्रा. डा. भीमराज अधिकारी, प्रा. डा. भूपति ढकाल, नेपाल प्राध्यापक संघया महासचिव रामेश्वर उपाध्याय, त्रिविविया परीक्षा नियन्त्रक दयामान कर्माचार्य, प्रा. डा. पुरुषोत्तमलोचन श्रेष्ठ, त्रिविवि प्राध्यापक संघया अध्यक्ष शिवप्रसाद मुनंकर्मि, त्रिविवि कर्मचारी संघया सभापति भोजकुमार बस्नेत, शान्ता घिमिरे व हिमाली रानामगरपिंसं न्ववानादिल ।
